Sa interbyu sa DXDC RMN Davao kang Deony Ferolino, Division Sports Officer, iyang gisulti nga dili man maabot ang 40 gold medals nga target sa delegasyon ilabi na nga katapusang adlaw na sa Palaro karong adlawa, Agosto 5, 2023, dako na kini nga kalampusan alang kanila.
Matud ni Ferolino, malipayon ang mga atleta sa ilang pag-apil sa ilang tagsa-tagsa ka mga kompetisyon – daug man o pildi, ilabi na nga all-out ang suporta sa ilang mga ginikanan ug sa Dabawenyos.
“Malipayon ra gud gihapon maski’g bronze, silver or maski’g wala naka-place. Malipayon lang gihapon. At least, nindot kaayo ‘ni nga experience nila nga nakaanhi gyud sila sa Palarong Pambansa. Ilabi na gyud ‘tong mga first timer, hastang nindota ‘ni nga experience para sa ila,” saysay ni Ferolino.
Kahinumduman nga niadtong Palarong Pambansa 2019, rank number 11 ang Davao Region nga nakasakmit og 13 gold, 22 silver ug 37 ka bronze medals.
RadyoMaN Kirby Manzon
