Ya destrosa el quisame y dindin de cemento del casa del un maestra despues tiene quien ya ase rebenta explosiva na Putik enantes madrogada.
El incidente ya sosede pasada ala una del aga afuera del casa di ElizaPorsuelo Estipona,48, viuda, maestra de high school.
Asegun na report ya disperta ya lang el maga ocopante del casa y maga besinos despues sila ya oyi con el suena rebentada.
Porcausa afuera del casa ya rebenta nohay quien ya sinti duele afuera ya lang con el destroso na quisame y dindin de cemento del casa.
Durante el ocular investigation, nohay encontra ni nada na lugar del explosion que puede sabe si cosa clase de explosiva ya rebenta.
Nohay tambien cosa sabe si Estipona si quien possible ya ase con el acto porcausa nohay le resivi algun amenaso y nohay quien rabyaw conele.
