Personal nga mipaabot sa iyang tabang pinansyal nga tag dos mil pesos, grocery items ug school supplies si Senador Bong Go sa mga nasunogan ning dakbayan niadtong Huwebes sa Corrales Elementary School.
Nasayran nga mokabat sa 114 ka pamilya nga gikan sa brgy puntod ug western kolambog brgy lapasan nga na biktima sa sunog ang nakadawat sa maong hinabang.
Gawas sa hinabang nga gitunol ni Senador Go, mitunol usab ang Department of Social Welfare and Development o DSWD og food packs family kit ug hygiene kit, 1500 pesos usab gikan sa Philippine Charity Sweepstakes Office o PCSO.
Samtang, mihatag usab sa tag 20-mil pesos ang National Housing Authority o NHA alang sa mga partially damaged nga balay ug tag 30-mil pesos alang sa mga totally damaged.
Gilingaw usab sa mga artistang sila Philip Salvador ug Robin Padilla ang mga nasunogan.
Gipahimangnoan pa ni Senador Go ang mga nasunogan nga dili mataha og dool kaniya alayon sa pagpangayo og tabang kay andam kining motabang kanila hangtod nga maplastar na sila.
