Mokabat sa 34 ka mga Improvised Explosive Devised (IED) ug kapin 600 ka mga nagkadaiyang klase sa mga bala ang na-recover sa tropa sa 16th Special Forces Company, didto sa Sitio Tingtingon, barangay Bitaogan, San Miguel, Surigao del Sur. Sa tahu sa 402nd Brigade Phil. Army, gibutyag ni BGen. Franco Nemesio Gacal nga tungod sa na-recover nga mga eksplosibo sa maong lugar kini nagpamatuod nga padayung gisupak sa rebelding New Peoples’ Army (NPA) ang gilagda sa Comprehensive Agreement on Respect for Human Rights and International Humanitarian Law (CARIHL). Sumala pa nga ang maong mga IED ug bala ang gilubong sa mga NPA sa umahan sa mga residenti sa lugar nga miapela sa 16th Special Forces Company mao nga na-recover ang daghang ihap sa mga bala ug IED sa lugar. Sa karon wala pay gihimung pag-angkon ang mga NPA kung ilaha ba ang na-recover sa military. Sent from my Samsung Galaxy smartphone.
