Pinalawig ng University of the Philippines o U.P. ang deadline para sa pagsusumite ng aplikasyon ng UP College Admission Test o UPCAT para sa school year 2019-2020.
Ito ay bunsod ng suspensyon ng klase dahil sa pag-ulan at pagbaha nitong Biyernes.
Batay sa advisory ng U.P., ang mga aplikanteng mula sa mga pampublikong paaralan sa Metro Manila ay maaaring pang maghain ng kanilang UPCAT forms hanggang August 6.
Habang sa August 10 naman ang deadline para sa mga aplikanteng mula sa regional private and public high schools.
Itinakda ng U.P. sa September 15 at 16 ang UPCAT test.
Muli namang nagpaalala ang U.P. na pwede namang magsumite ng UPCAT forms via online, courier o ihulog sa drop boxes.
Facebook Comments
