Sa boto nga 240 kontra 27 ug walay bisa’g usa nga ni-abstain atol sa plenaryo, gi-aprobahan karon sa mayoriya sa mga kongresista ug mga senador ang girekomendar nga one-year extension sa balaud-militar dinhi sa habagatan.
Ang congressional approval balidasyon sa mga argumento sa palasyo sa Malacanang nga nagpadayon sa gihapon karon ang kalse-klaseng hulga sa atong nasudnong seguridad mugna sa mga terorista, mga rebelde ug bisan na sa mga criminal elements kinsa nakigkonsabo sa mga kaatbang sa rehimeng Duterte.
Una niini, nag-clash ang mga pro ug anti-Duterte lawmakers sa dihang gidiskutihan ang merito sa maong extension diin ang mga pabor nangatarongan nga may igong rasonableng kawsa ang maong panawagan.
Sa piaks bahin, gibatbat sa mga anti-administration solons nga nabalaka sila sa matuod nga katuyuan kun intension sa gipalapad nga balaud-militar, kalakip na ang duda nga gamiton lamang kini silbing taming kun ‘smokescreen’ sa ilusad nga kampanya ngadto sa mga Maoist communist rebels, sa ilang mga kaalyados ug mga symphatizers.
RadyoMaN June Duterte
