Ta esta pa desconosido el un cadaver del un persona que ya encontra ta man lutao na mar enantes aga.
El report del Philippine Coast Guard ta aparese banda alas 10 del aga ya columbra con el cadaver lutao pa-culup na mar serca na Baliwasan y ya sigui este na marijada para na Sta. Cruz Island.
Dayun tambien el maga miembros del Coast Guard ya jila coneste y ya lleva para na Paniran serca na detachment del Maritime Police para conduci el maga propio imbestigacion.
Pasada alas 12 ya del medio dia cuando ya llega el maga miembros del Scene of the Crime Operatives (SOCO) donde ya puede descubri que calabera ya el cabesa y tormento ya para conose pa con el persona.
Na estimacion del otoridad ta entra ya un semana muerto el persona donde possible ya man lumus este na mar.
Ta verifica tambien el Coast Guard el report donde tiene asegun un persona ya salta na mar desde na un barco mientras ta navega para na sercanos provincial del otro dia si este ya el victim.
