Malaybalay City, Bukidnon – Mukabat sa halos 1 ka milyon ang damyos sa usa ka Portable Banana Processor sa DOLE Philippines, Inc. nga nahimutang saSitio Sta. Cruz, Brgy. Casisang, Malaybalay City human gisunog sa mga gituohang mga miyembro sa bandidong grupo kagahapon sa kadlawon.
Sa kasayuran nga gipaabot sa RMN gikan ni Capt. Normal Tagros, ang Civil Military Officer ug spokesperson sa 403rd Infantry Brigade gibutyag niini nga miresulta sa pagkadaot sa kabtangan nga mikantidad ug 700 ka-libo, kapin kun kulang ang mao nga pagsunog sa plantasyon sa saging.
Nasayran nga pagpangilkil gihapon ang hinungdan sa maong pagpanunog.
Una nang gibutyag sa 403rd nga dili pa nila matumbok kon hinimuan sa rebeldeng New People’s Army o NPA ang pagpangsunog tungod kay nagpadayon pa ang ilang operasyon ug adunay mga bandido usab nga naglihok.
Hinoon luwas ang mga empleyado sa mao nga kumpanya ug bugtong panunog lang ang tuyo sa mao nga grupo.
