Gitan aw karun sa Police Regional Office 13 nga extortion ang hinungdan sa pag sunog sa mga heavy equipment sa Lanuza, Surigao del Sur.
Hugot gikundina sa kapulisan ang maong panghitabo hinimo sa mga rebelding NPA.
Angay masayran, Usa ang patay samtang 2 ang samdan nahitabong pagpangatake sa rebeldeng NPA sa contrcuction site nga nahimutang sa Brgy. Zone 2, Lanuza, Surigao del Sur.
Sa impormasyon nga gipaabot karung buntag ang napatay sa hitabo mao ang security guard sa MR1 Construction.
Sa karun nagpadayon ang hot pursuit operation sa kwerpo sa kapulisan ug kasundaluhan sa lalawigan sa SDS, kini human laing mga Heavy Equipment na usab ang gisunog sa mga rebeldeng NPA nga gipanagiyahan sa MR1 Construction ni Paulo Lopez.
Subay sa police report nga atung nadawat natigayon ang maong pagpangsunog alas 9:00 kapin kon kulang kagabie sa Brgy. Zone 2, Lanuza, Surigao del Sur, ug daling nakaresponde ang taga Lanuza MPS, SDSPPO ug 2nd SDSPMFC hinungdan nga natigayon ang buto buto sa lugar, hinuon walay nasamdan sa tropa sa gobyerno, apan dili pa matino sa habig sa mga rebelde.
Sumala pa nga dili lang ang construction equipment ang gipangsunog, kun dili lakip sab sa target sa mga NPA ang pag-atake sa mga police stations.
Sa karun gimando ni PCol. James Goforth nga mas pahugtan ang pagpahigayon ug checkpionts sa tanang mga kalungsuran nga sakop sa lalawigan.
Kahibaloan nga ang MR1 Construction ang maoy nag-construct sa diversion road sa Gensan-Lanuza.
Human na-cleared ang area daling nakaresponde usab ang taga BFP hinungdan nga dili tanang mga heavy equipment ang nasunog.
Apan dili pa matino ug pila ang danyos sa maong sunog
