General Santos City- Gireklamo ngadto sa Pendatun Police Station General Santos sa usa ka masahista ang iyahang kliyenteng tricycle driver tungod sa wala matud pa pagbayad kaniya sa nakasabutang kantidad sa massage service ingon man ang extra service nga iyahang gihimo ngadto sa drayber.
Sa pamahayag sa reklamante nga si alyas Jen Jen, masahista sa usa ka massage center nga nahimutang sa sentrong bahin sa Gensan nga nagpamasahe matud pa ang drayber kaniya nga si alyas Jojo pagkahuman mihangyo kini ngadto kaniya nga himason ang pribadong parte sa iyahang lawas bugti sa kantidad nga 500.00 pesos.
Apan human matud pa mahigwaos sa kalami ang drayber nga si alyas Jojo didto na kini nagdumili sa paghatag sa nakasabutan nilang 500 pesos og 200 na lamang ang ibayad niini tungod wala matud pa siya maganahi sa gihimo sa masahista kaniya.
Apan depensa ni alyas Jojo nga miadto matud pa sa massage clinic aron mangitag lingaw og dili magpamasahi, kung asa nagkasabot matud pa silang duruha sa kantidad nga 200 pesos og dili 500 pesos bugti nga makighilawas silang duruha.
Apan wala matud pa damha sa drayber nga si alyas Jojo nga moreklamo kini sa Pendatun PNP kay nakuwangan sa gibayad kaniya. Dugang pa sa drayber nga siya ang angayan nga moreklamo tungod gikuha matud pa sa masahista ang kwarta sulod sa iyahang pitaka sa dihang nagkumbati sila sa kama.( Radyoman Jordan Britos)
Photo from web
