Davao City – Posibleng ipailawom ngadto sa Extreme Enhanced Community Quarantine (EECQ) o mas luag nga control measures ang ipatuman dinhi sa Davao City inig matapos ang Enhanced Community Quarantine (ECQ) karong Abril 19.
Matud ni Davao City Mayor Sara Duterte nga nagprepara ang lokal nga panggamhanan depende sa assessment sa mga doktor nunot sa coronavirus disease 2019 (COVID-19).
“It may be extreme or it may kana ganing go to very simple nalang nga control measures nga buhaton nato,” segun sa alkalde.
Nangandam usab ang lungsod sa pag-abli sa air travel ug sa paguli sa mga tao kung bakwion ang Enhanced Community Quarantine sa Luzon.
“DOH, Bureau of Quarantine, PNP ug intel units nato mao pod nila sila ang nagapangandam sa pag-abot sa mga tao sa pag-open sa mga flights. Kung ma-control man na nato dinhi karon sa Davao City, sa Davao Region ang spread sa infection, pagsulod sa mga tao, duna na puy magdala na pod og virus so dapat sa sugod palang naa tay tagging og contact tracing details para sa katong musulod sa Davao City pag-open sa mga borders nato,” sumala niini.
RadyoMaN Aimee Guinita
