Eye witness ug CCTV dakong hagit sa imbestigasyon sa Nieva robbery-homicide case

Davao City- Pipila sa mga kalisdanan karon sa mga imbestigador kay nag-inusara lang sa panimalay ang brutal nga gipatay ug gikawatan nga kanhi government employee mismong sa sulod sa balay niini sa Deca Homes Talomo, Brgy. Bago Galera, Davao City.

Sa interbyu sa DXDC RMN Davao kang Police Major Romeo Mapanao Jr., Station Commander sa Baliok Police Station, wala pay mga eye witness ug walay cctv ang balay sa 57 anyos nga biktimang si Lilian Nieva.

Napalgan kining wala nay kinabuhi sa iyahang igsuong lalaki sa sulod sa iyahang balay niadtong Biyernes, Setyembre 29,2023.

Ang biktima adunay 44 ka mga samad dinunggaban sa lawas ug nawala usab ang Iphone 12 ug undetermined amount sa assorted jewelries niini.

Adunay mga timailhan sa lawas niini nga nisukol ug nanagang pa ang biktima aron masalbar ang iyahang kinabuhi.

Gibutyag ni Mapanao, nga gilantaw nila nga anaa sa duha ka mga suspek ang nihimo sa krimen ug adunay posibilidad nga kaila ra kini sa biktima.

Segun niini nga walay forcible entry sa balay nga nakita ang mga imbestigador.

RadyoMaN Aimee Guinita