Face-to-face non-essential gov’t events wala na gitugot sa Davao

Davao City – Wala na gitugot ang ang pagpahigayon og face-to-face activities sa tanang barangay, local ug national government offices ug agencies lakip na ang government-owned and controlled corporations.

Gibutyag ni Davao City Mayor Sara Duterte-Carpio (sa interbyu sa city-owned radio) nga subay sa gipagawas nga Executive Order (EO) No. 31 Series of 2021, wala na gitugot ang maong mga aktibidad samtang anaa pa ang State of Calamity tungod sa pandemya diin kini epektibo sugod Miyerkules (Mayo 26, 2021).

“Section 2: Non-Essential. All face-to-face non-essential events are hereby prohibited until after the lifting of the State of Calamity: Inauguration, anniversary, thanksgiving, ribbon-cutting, blessing, turnover, groundbreaking activity, launching program, salo-salo, birthday, press conference, oath taking program, photo opportunity, retirement honors, welcome honors, testimonial program, summer outing, and all other similar activities,” butyag sa alkalde.


Gitataw ni Mayor Sara nga gidili gihapon ang pagpahigayon og face-to-face events bisan pa man og dili kaabot og 25 ka indibidwal ang mutabong niini, paglikay sa risgo sa Coronavirus Disease 2019 (COVID-19) diin giawhag ang tanan nga himuon na lamang ang ilang aktibidad sa online o virtual nga pamaagi.

Suspendido na usab kutob Agosto 31,2021 ang tanang face-to-face non-emergency essential government activities lakip na ang trainings ug seminars.

Hinuon, walay labot sa maong direktiba ang distribusyon sa pinansyal, food o non-food items atol sa kalamidad. Samtang kinahanglang contactless delivery ang distribusyon sa mga dili related sa emergency o disaster nga aktibidad sa panggamhanan.

Gibutyag ni Duterte-Carpio nga adunay mga nakita nga mga government events nga nahimong source sa COVID-19 infection/transmission rason nga gipagula ang maong direktiba.

“Dinhi sa atong contact tracing, dunay mga nakita nga mga government events nga sources of (COVID-19) infection. So, guilty both national and local government offices ani,” sulti niini.

RadyoMaN Kirby Manzon

Facebook Comments