24-hour vaccination centers gitun-an

18

Davao City – Gi-estudyohan pa karon kung magmontar o magtukod sa syudad sa Davao og 24-hour vaccination center sa tumong nga mapaspasan ang pagbakuna sa Davaoeños.

Matud ni Davao City Mayor Sara Duterte-Carpio (sa interbyu sa city-owned radio) nga ginakonsidera karon ang kasakyanan sa tao diin lisod na ang availability sa public utility vehicles (PUVs) o sa public transportation labi na panahon sa gabii.


“Na-discuss na na sa atong vaccine cluster ang 24 hours nga pagbakuna. Ang isa sa nigawas didto is ang availability sa public transportation. Bisa pa ma’g abli ang vaccine center, pero kung walay sakyanan ang mga tao, isa na sa mga kinahanglan nato sulbaron,” saysay sa alkalde.

Nasayran nga gi-target sa lokal nga panggamhanan nga adunay 10,000 nga mabakunahan matag adlaw sa dakbayan diin naglaum nga igo usab ang available nga bakuna alang niini.

“For us to finish (the vaccination) in the soonest possible time, we need to vaccinate 10,000 vaccinees per day. We need to up our resources, our vaccine centers, so that it can vaccinate 10,000 a day assuming lang nga steady ang pagpadala sa atoa sa bakuna,” sulti ni Duterte-Carpio.

RadyoMaN Kirby Manzon



Facebook Comments