Sarangani Province- Malipayon karon nga gibutyag ni Mr. Pedrito Lopez, ang alien control officer og maoy nagdumala sa Bureau of Immigration Sarangani naka-basi sa lungsod sa Glan ang bag-o og pinasahi nga himan nga iyang nadawat sa iyang buhatan gikan mismo sa NICA kon National Intelligence Coordination Agency nga gitawag nga “Facial Recognition System.”
Susama kadako lamang matud pa kini sa laptop nga mag-ila og musuta sa mahibalag nga walay papeles nga mga foreign nationals sa Sarangani Province.
Sa tibuok Pilipinas, Sarangani Province og Clark Pampanga lang ang gitagaan sa NICA sa maong first-of-its-kind nga kagamitan nga konektado sa database sa Department of National Defense og sa INTERPOL kon International Police Organization walay laing tumong kundili mapakusgan pa ang mga kalihukan batok terorismo og dautang motibo.
Piktyuran ang dagway sa langyaw og kung mugawas nga anaa sa saysenta porsyento (60%) ang ipakita nga deskripsyon, positibo kini nga konektado sa teroristang grupo og dili ba kaha sa mga international fugitives kon pugante og mga nagagamitan og peke nga mga pasaporte.
Ila na matud pa kining natestingan sa upat (4) ka mga Indonesian national nga bag-uhay lang nakita sa may bandang Glan og nag-negatibo sa gipahigayon nga photo matching.
Gipakusgan pa ang nasudnong seguridad, segun ni Lopez, pinaagi sa hugot nga pagbantay sa mga kadagatan hilabi na nga anaa ang Sarangani Bay og Celebes Sea nga gihimo sa uban nga backdoor aron makasulod sa Pilipinas, katugbang ang Philippine Coast Guard, Philippine Navy, Maritime, kapulisan og kasundaluhan.
Gani, karon matud pang ikatulong semana sa bulan sa Oktubre, lauman nga adunay pirmahanay nga mahitabo tali nila Sarangani Governor Steve Chiongbian Solon og Bureau of Immigration Commissioner Jaime Morente subay na usab sa kamanduan ni Pangulong Rodrigo Duterte nga palambuon pa ang partnership sa duha ka mga ahensya.
May ipahigayon unya nga “alien mapping” sa tibuok Sarangani Province malista matag munisipyo kinsa og asa dapit ang mga foreign nationals nitinir masiguro nga intact ang gasulod nga mga dumuduong.
( Not the actual photo)
