Fact Finding Committee gimugna sa namatay’ng police

54

Davao City – Fact-Finding Committee gimugna sa Police Regional Office (PRO-XI) aron motutok sa inbestigasyon sa kamatayon sa police nga si Patrolman Angelo Tito, atol sa Basic Internal Security Operation Course (BISOC) Training.

Sa interview sa DXDC RMN Davao kang PRO XI Spokesperson Police Major Eudisan Gultiano, ilang gipasalig nga patas ang himoong imbestigasyon.


Niduaw ug personal nga nipadangat sa iyang pahasubo si PRO XI Regional Director PBGen.Filmore Escobal sa haya sa namatay’ng police sa St. Anne Chapel, Rubio Memorial Services , Tagum City, ug nitunol usab og ayuda ang PRO XI sa ginikanan ni Pat. Tito.

Kahinumduman, niadtong Huwebes nabugtuan sa kinabuhi sa ospital ang batan-ong police human kini nakuyapan atol sa ilang road run sa Sun City Subdivision, Brgy. Communal, Buhangin District, Davao City.

RadyoMaN Aimee Guinita

Facebook Comments