Davao City – Kasong Illegal Possesion of Firearms and Ammunition (RA 10591) ug Grave Threats ang gipasakang kaso sa kapolisan batok sa usa ka Barangay Tanod nga si Marvin Cubay Acosta, 40 anyos, nagpuyo sa Hilltop Brgy. Langub, Davao City, human namadlong nga gituohang hubog ug nanghasi sa mga tawo gamit ang usa ka pusil.
Sumala pa sa report sa Talomo Police Station, daling nanawag og assistance sa kapolisan ang duha ka mga complainant nga si Ramil Savedra Patatag, 28 anyos ug si Crisanto Alforque, 31 anyos, residente gihapon sa nahisgutan nga Barangay. Sumbong sa mga complainant alas 9:20 sa gabii, igo ra nga naglingaw sa bino ang duha ug kalit nga miabot ang suspetsado nga gitohoang nakainom.
Nanghasi matud pa ang suspek nga tirahonon kuno ang duha ug kalit kining mibunlot sa armas ug tion sa duha ka mga tawo.
Paspas nga nakaabot sa lugar ang mga awtoridad ug gi-aresto ang suspetsado. Narecover ang 11 ka bala ug .45 pistol nga dunay sulod tulo ka bala gikan sa posisyon ni Acosta.
RadyoMaN Paul Canono
