Davao City- Gipaniguro sa Commission on Elections kun COMELEC nga walay failure of election nga matigayon sa Brgy 23-C ning dakbayan sa Davao human matud pa gipapahawa na sa covered court sa nahisgutang Brgy. ang mga pamilya nga temporaryong namuyo human naapektuhan sa demolisyon sa Brgy. 26-C.
Sumala ni Election Officer Assistant 1ST district Laura Limende nga gipabalhin na ang maong mga pamilya sa Barangay Hall aron sa pagsiguro nga madayon nga makaboto ang mga botante nga nasakop sa Brgy 23-C.
Gidugang ni Limendi nga way angay kabalak-an ang mga botante ilabina ang mga kandidato nga nagpapili sa maong Brgy tungod gipaningkamutan sa COMELEC nga mahatagan og solusyon ang maong problema aron dili madeklara sa area ang failure of election.
RadyoMaN Don Pulayao
