Davao City – Patay ang usa ka mekaniko human gipusil sa wala mailhing suspek sa Pioneer St., Brgy. Magugpo Poblacion, Brgy. Hall, Tagum City alas 5:10 sa buntag kagahapong adlawa, Mayo 10, 2018.
Sa report gikan sa Police Regional Office kun PRO XI, giila ang biktima nga si Jerick Cabo Patalita, 29 anyos, mekaniko ug residente sa Purok Pag-asa Seminary Drive, syudad sa Tagum.
Subay sa imbestigasyon nga padulong unta ang biktima sa Tagum Public Market apan pag abot sa may Brgy Magugpo, gipusil kini sa wala mailhing suspek nga dayong misibat sa wala matinong direksyon human sa insidente.
Narekober sa otoridad ang lima ka bala nga gituohang gikan sa .45 calibreng pistola.
Sa karon, padayon ang imbestigasyon sa kapulisan sa maong insidente ug ginasuta pa usab ang motibo sa nahitabong pagpamusil.
RadyoMaN Renz Barbarona
