Davao City – Dili lamang Piipinas apan ang tibuok kalibutan adunay nabating kahadlok karon sa hulga nga dala sa coronavirus disease kon COVID-19.
Kasagaran kanato naglaum nga masulbad na kini sa syensya apan adunay uban nga gisalig ang tanan ngadto sa Kahitas-an aron sulbaron kining tanang mga nagapanghitabo.
Sa usa ka mensahe ni Pope Francis ngadto sa katawhan, giingon niini nga sama sa mga disipulo sa Gospel, kita man usab na-corner sa wala damha nga krisis nga daw sama sa distroso nga hatod sa makusog nga bagyo diin nakita nato ang atong mga kaugalingon nga gibati og tumang kahadlok diin nawala kita sa atong lig-on nga pagto-o.
“Like the disciples in the Gospel, we were caught off-guard by an unexpected, turbulent storm and we find ourselves afraid and lost.” – Pope Francis
Apan ang dakung pangutana: Unsaon ba nato nga dili malamoy sa kahadlok bunga niining pandemic ang atong pagto-o ilabi na nga dili nato makita ang atong kaaway?
Nahinabi sa DXDC Davao si Fr. Roco Rebito sa Society of Mary – Marist Fathers and Brothers kinsa nagkanayon nga aron masabtan ang enkwentro tali sa ‘Faith vs. Fear,’ gikinahanglan usa natong sabton kung unsa ba gayud ang atong pagto-o ug kung realistic o unrealistic ba ang atong ginabati nga kahadlok.
“Our faith is our antidote to fear…ang atong pagtoo mao ang tambal sa atong kahadlok… When we go back to our reality nga sa kinabuhi, naa ‘tay mga kahadlok apan di nato kalimtan ang Ginoo naghatag nato’g pagtoo nga Siya always nag ingon sa atoa nga ‘Do not be afraid… I am with you until the end of time.”
Kung maghisgot ‘ta sa pagtoo, kini ang pagkamalig-on ug pagkabaskog sa atong pagtoo sa tao, pagkamatinud-anon o ‘faithfulness’ sama sa kanunay nga pagka-matinud-anon sa Ginoo ngadto sa Iyang katawhan nga Iyang hinigugma ug ang response sa katawhan sa pagkamatinud-anon sa atong Ginoo:
“When we talk about faith, pagto-o nato, it’s a gift from God. This is not a human understanding, not a human affair, it’s always human affair but it’s always God’s affair to human person, to us humanity in faith.”
Gihulagway sa pipila nga daw sama sa ‘9 plagues’ sa Bibliya kun siyam ka tunglo ang nagapanghitabo karon sa kalibutan apan gitin-aw ni Fr. Roco nga ang Ginoo usa man ka ‘God of Mercy,’ kun Ginoo nga Manggiloloy-on apan usa kini ka pahinumdom kung kamusta na ba ang atong relasyon sa atong kaugalingon, sa atong mga kaigsoonan ug Kaniya nga maoy atong Magbubuhat:
“Dili kini nag pasabot nga si God ang nagbuhat sa COVID-19, God is God of mercy. God is love so dili siya judgment sa Ginoo. It could be in another understanding pahinumdom sa atoa kamusta ang atong pagtoo, atong relasyon sa atong kaugalingon, relasyon sa kalibutan…”
Dugang ni Fr. Roco nga dili angay kahadlokan ang kamatayon sanglit ‘necessary’ kini kanato aron atong ma-experience ang ‘life eternal’ nga mao ang saad sa Ginoo nganhi kanato:
“Death is a pre-requisite to life eternity. So kung sa atong pagsabot, fear is no longer scary, faith is no longer ugly but it becomes a beautiful experience of God into our life.”
Ning pandemic nga nangharos sa kalibutan karon, duha ka butang ang na-amguhan ni Fr. Roco: Una, usa kini ka tataw nga pahinumdom nga bulnerable gayud kita, nga kinahanglan nato ang Ginoo sa atong kinabuhi ug ikaduha, sutaon nato kung mahinungdanon pa ba ang atong relasyon diha sa atong isig ka tawo ug mga butang nga atong gipursigi sa matag adlaw.
Mga Kasama, usa sa angay natong buhaton niining krisis karon mao ang pagtubo diha sa Ginoo sa pagsabot sa mga kasinatian ug sa focus diin kung kita motubo diha kaniya, motubo usab ang atong pagtoo ug ang kabalaka pildihon na niini ug hingpit nang mawagtang sa tagsa-tagsa nato ka mga dughan.
RadyoMaN Jason Amisola
