Davao City – Nagpahimango ang City Government of Davao sa publiko nga magbaton og QR (Quick Response) Code nga dili peke.
Sa anunsyo pinaagi sa SafeDavao QR social media account, gipahimangnoan ang publiko nga mamahimong makasohan ang mga indibidwal nga mag presenter og peke ng Davao QR Code o DQR, diin walay rason nga mameke niini tungod kay libre man kining ma-avail sa publiko pinaagi sa pagparehistro online sa profiles.safe-davao.com/
Gipahibalo usab ang publiko o tanang mobiyahe pasulod sa dakbayan sa Davao nga magbaton og QR code. Manginahanglan usab ang Davao International Airport (DIA) og DQR Code sa mga indibidwal pag-abot niini sa syudad.
Gipatuman na usab ang DRQ scanning sa establisyemento dinhi sa syudad sa tumong sa contact tracing ugaling aduna may magpositibo sa Coronavirus Disease 2019 (COVID-19).
RadyoMaN Kirby Manzon
