Davao City – Ning padayong pagkatag sa giingong ‘fake news’ gikan sa social media nga gipundohan gikan sa laing nasod aron dauton ang usa ka leader. Gisaysay sa batikang kolumnista sa mantalaang lokal nga si Jun Ledesma, tungod niini dunay gihimong imbestigasyon karon ang senado kabahin sa padayong pagkuyanap sa ‘fake news’ nga gitohoang gikan sa Rappler.
Nagtoo si Ledesma nga walay natigayong pagpasagad ug padayong ginatamod ang pagpagawas sa tinuod nga impormasyon apan naapektohan lamang kini tungod kay dunay kalapasan nga nahimo ang Rappler aron matabunan ang ilang kaso hinungdang nagpagawas na lamang sila sa dili ensaktong impormasyon batok sa kasamtangang gobyerno.
Giklaro usab ni Ledesma way rason nga rendahan ang gawasnong pamahayag kung walay mga nahimong kalapasan nga moresulta sa pagpasira.
Samtang giklaro usab ni Ledesma, walay rason aron i-regulate ang mga ‘bloggers’ tungod kay diha sa social media libre ang tanan sa pagpagawas og impormnasyon sa ngalan sa ‘Freedom of Expression’.
RadyoMaN Bernard Pantallon
