Sa interview sa DXDC RMN Davao kang Police Major Ariel Pascual, ang hepe sa Maragusan Municipal Police Station (MPS), iyang giangkon nga adunay mitumaw karon nga mga storya nga dili mao ang suspect nga anaa karon sa ilang kustodiya nga gituohang buot lang mulubag sa imbestigasyon.
“Tabangi mi ma’am bi. Kadtong mga fake news kung gusto sila makabalo, mag-observe na muna. Ang investigation na muna ang lantawon. Kay adunay gusto lubugon ang investigation. Mismong ang pamilya wala man nila na gipansin kay kabalo man sila kinsa ang suspect. Ang mga tao gitagaan man gud nila og importasya ang mga isyu sa social media. Dapat investigation sa PNP ang makita nila.”
Hangyo sa pulis nga dili magbuot-buot kung dili gikan sa ilaha ang opisyal nga report tungod dako kining kadaot sa social media ingon man sa hustisya alang sa biktima.
Kahinumdoman nga napalgan ang wala nay kinabuhi nga bata sa sagingan nga gituohang gilugos ug gibunalan og bato ayha gipatay.
Gani giawhag ni Pascual ang publiko nga kung kinsa kadtong buot masayod sa kamatuoran, mamahimong mubisita sa ilang buhatan.
RadyoMaN Ivy Parido
