Davao City – Gikaalarma karon sa Philippine Mental Health Association (PMHA–Davao) ang mga di maayong panghitabo sa usa ka pamilya ilabi na sa nahitabong pagpamatay sa amahan sa iyang kaugalingong mga anak sa milabay’ng adlaw didto sa may Brgy. San Isidro, Island Garden City of Samal.
Nagtoo si PMHA Davao Chapter Executive Manager Precious Manliguez nga aduna pay mas lalom nga rason ngano kini nahitabo gani kinahanglan usa kini sutaon.
Hinuon adunay mga ginikanan nga nagpabiling intact gumikan sa ilang mga anak bisan pa man adunay mga kakuliang nahitabo sa ilang pamilya.
Panlantaw ni Manliguez nga agresibo na ug adunay anger issues ang maong amahan nga mibuhat sa krimen ug posibleng aduna na kini signos sa depresyon.
Gisayangan si Manliguez gumikan walay mga paryente nga mipatunga sa problema sa pamilyang Nonoy diin possible pa unta nga magiyahan si Joel ug ang asawa niini.
Gani gi-awhag niini ang katawhan nga abli ang ilang buhatan nga nahimutang sa Brgy. 76-A, Pag-asa St., S.I.R Matina ning syudad sa Davao ug mamahimong i-contact ang ilang numero nga (082) 298-8579 alang sa libreng serbisyo.
RadyoMaN Jason Amisola
