BACOLOD CITY – Posible nga gin-cardiac arrest ang isa ka driver nga nasapwan na gid lamang nga patay na sa sulod sang salakyan kagab-i sa atubang sang Plaza Mart sa downtown area sang Bacolod City.
Nakilala ang biktima nga si Salvador Lopez III, 48 anyos ang edad, kasado kag tumandok sang banwa sang San Enrique, Negros Occidental kag isa ka family driver.
Suno sa tag-iya sang awto nga si Dan Quitco, 44 anyos, pumuluyo man sang banwa sang San Enrique, nga may mga las 8 kagab-i nakibot siya nga sa iya pagbalik sa awto, wala na naga-giho ang biktima.
Bangud sini gilayon nga nagtawag sa Police Station 1 ang tag-iya kag nagpangayo sang bulig kon diin nag-abot man ang 911 Bacolod Rescue kag sa ila pag-check, wala na sang sign of life ang biktima.
Gindala pa ni Quitco ang iya driver sa Corazon Locsin Montelibano Memorial Regional Hospital apang ini ang gin-declare nga dead on arrival./DYHB NEWSROOM
