Davao City – Ning subling pagtaas sa presyo sa gasolina, maglisud na ang mga drivers ug operators sa mga pampublikong sakyanan tungod kay wala na silay mahimo gawas kung dunay ipatumang ‘fare increase’.
Sumala ni Southeastern Mindanao Diversified Drivers and Operators Cooperative (SEMDDOC) chairman Maning Duran, bugtong mahimo sa mga drivers ug operators ning subling pagtaas sa presyo sa petrolyo mao ang pagpasaka sa pletehan.
Giklaro usab sa SEMDDOC chairman nga duna gayuy mahitabong pagsaka sa pletehan alang sa mga publikong sakyanan tungod kay dili na sila makabiyahe kay lugi na.
Sa hisgutanang himoon nang 15.00 pesos ang minimum gikan sa 8.00 pesos nga pasahe dinhi sa syudad sa Davao, pabor sila sa 12.00 pesos lang.
Samtang sa minimum flagdown rate nga 40 pesos sa mga taxi nga himoon nang 50 pesos, uyon sila tungod kay mao gayud kini ang mahitabo kung dunay matigayong pagtaas sa presyo sa produktong petrolyo. Giingon ni Duran kung wala nay pagtaas sa pletehan wala nay mobiyahe.
RadyoMaN Bernard Pantallon
