Farmer Beneficiaries iti DAR ILOCOS NORTE, Agturpos iti Farm Business School

44

iFm Laoag – Inrakurak ni Provincial Agrarian Reform Program Officer II Vic M. Ines a maiwayat ti panagturpos dagiti farmer beneficiaries a nagadal iti kaudian a Farm Business School wenno FBS ti Department of Agrarian Reform – Ilocos Norte.

Kuna ni Ines, agarup innem-a-pulo a mannalon manipud Capacuan Multipurpose Cooperative (MPC) ti Batac ken Bugnay Development Cooperative ti San Nicolas ti agturpos iti FBS.


Babaen iti 25 sessions ti FBS, naiyadal kadagiti mannalon ti umno a panangmanaher kadagiti produktoda tapno lalo pay a dumakkel dagiti mapastrekda.

Karaman kadagiti kangrunaan a naisuro kadakuada ket bookkeeping, cash flows, market surveys, labor, product selling, product costing ken packaging.

Maiwayat ti graduation ceremony ti FBS para kadagiti mannalon ti Capacuan MPC ken Bugnay Development Cooperative inton October 28 ken October 29. [Detalye manipud ken ni Jeorge Guerrero]

Facebook Comments

From Advertisers