Fast craft wala pa biyahe sa BREDCO port

39

Wala pa sang commercial travel sa BredCo Port subong nga adlaw (Hunyo 1) bisan nga ginpaidalom na sa Modified General Community Quarantine (MGCQ) ang ciudad sang Bacolod.

Sa interview sang DYHB kay Lt. Jansen Benjamin, head sang Philippine Coast Guard (PCG) Negros Occidental, wala pa sang byahe ang fast crafts sa karon.


Ang mga locally stranded invidual (LSI) kag returning OFWs pa lang ang pahanugutan nga makatabok sa Bacolod basta sila ang kumpleto sa nagakaigo nga mga dokumento sakay sang RORO vessels.

Pwedi man makatabok sa Bacolod ang mga taga-Iloilo nga may trabaho diri sa ciudad basta nga sila ang kumpleto man sang dokumento kag travel authority gikan sa Philippine National Police (PNP).

Bilang kabahin naman sang “new normal” sa pantalan, dapat naka-face mask ang mga pasahero, may yara sang hand washing area, gina-observe ang physical distancing.

Subong man 50% sang tawo ang makasulod sa terminal, 50% man ang pasahero sa barko, may thermal scanning, may isolation area sa barko kag sa terminal para sa mga pasahero nga maglain ang pamatyag.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>




Facebook Comments