Paghalong yara na sa tagsa ka pumuluyo suno sa provincial government

9

Ginatugyan na sang mga opisyales sang provincial government sa tagsa ka mga Negrense ang paghalong sa ila kaugalingon karun nga hilway na ang tanan nga makaguwa sa ila puluy-an bangud ginpaidalom na ang Negros Occidental sa Modified General Community Quarantine (MGCQ).

Suno kay Provincial Administrator Rayfrando Diaz, subong nga pwedi na nga makaguwa ang tanan, dapat indi gid pagkalimtan ang pagsuksok sang face mask, mag-observe sang social distancing, masami nga magpanghugas sang kamot, kag indi dapat magpagutok sa mga crowded nga lugar.


Samtang, nagahingyo man si Atty. Diaz sa mga pari kag pastor nga magpatuman sang health protocols sa mga misa kag religious gatherings agud masiguro nga luwas ang tanan karun nga ginapahanugutan na ang pag-accomodate sang 50% sa venue capacity.

Kun mahimo suno kay Atty. Diaz, patigayunon ang religious services sa open-air kag sa indi tuman ka bugnaw nga mga lugar.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments