Report ni: Jennifer Palomo Debaja
Ginkumpirmar ni Consul Paulo Saret, sang Assistance To Nationals section sang Phil. Consulate General sa HK nga isa ka 50 anyos nga Pinoy kag 43 anyos nga Pinay ang upod sa 11 nga mga napilasan sa nagluntad nga freak traffic accident sa King’s Road North Point kahapon sang hapon Disyembre 9, 2018 nga nag resulta sa kamatayon sang apat ka biktima.
“We were informed that both Filipinos, a 50-year-old male and a 43-year-old female, are in stable condition. One of them is in Ruttonjee Hospital and the other in Pamela Youde Nethersole Eastern Hospital,” pahayag ni Consul Saret.
Una na nga ginbalita ang pagkadula sang kabuhi sang apat tanan ka ginapatihan nga sidewalk vendors nga naga edad 70 anyos tubtob 83 anyos matapos gin arado sang school bus sa dulhugon nga dalan sang King’s Road kag Hei Wo St. sa North point Hong Kong.
Sa naglapta nga video kuha sa dashcam sang isa ka salakyan, makita ang driver nga nanaog sa school bus kag hinali lang naglakat ang bus nga gina patihan wala naggana ang handbrake.
