FDA , nagpanugyan sa publiko nga tsekyaron gid ang expiration date sang mga noche buena items antes baklon

Ginpandaaman sang Food and Drug Administration (FDA) ang publiko sa mga noche buena products nga dali na lang ma-expire.

Ini matapos nakumpiskar sang gintingob nga pwersa sang FDA kag National Capital Region Police Office ang masobra P30,000 nga balor sang mga noche buena items nga ginpeke ang expiration date.

Suno sa FDA, dali na lang ma-expire ang mga produkto gani ginpeke kag ginbutangan sang bag-o nga expiration date ang mga noche buena items.

Lakip sa mga produkto nga nakumpiskar amo ang keso de bola, spaghetti sauce, cheese, ketchup, margarine kag iban pa.

(photo from web)