Ang wala damha og paspas nga pagtaas sa tubig sa lebel sa dagat ang posibleng malapawan ang labaw pa sa 13,000 ka dapit sa Archaeological nga kahulugan sa Habagatan- Sidlakan sa estados Unidos, sumala pa sa mga eksperto.
Ang lubnganan, sayo nga pagpuyo, ug spaces agency launchpods nga anaa sa mga historical places delikado ug ang epekto sa pag-usab sa klima mahimong dako nga mga hinungdan, matod pa sa pagtuon sa journal Plos- One.
Daghan sa mga ihap sa makasaysayang dapit mawala, diin ang mga lumad nga nagapuyo, sayo nga settler ug naulipon ug sa ulahi napaghigawas nga mga tawo kaniadto. Kini sumala pa ni David Anderson, Propesor sa Universidad sa Tenessee.
Daghang mga lugar sa kasaysayan sa Amerika sama sa Charleston James town, Ang Kennedy Space Center, St. Augustine, Ug bisan ang bag-o nga trasporma nga Cape Haharas Lighthouse ang nameligro nga mahanaw tungod sa pagsaka sa lebel sa dagat sa usa ka tulo ka metros.
Sa maong pagtuon ang kapin sa 1,000 ka mga dapit nga nalista sa National Register of Historic Places isip importante nga cultural nga mga kabtangan ang malapawan sa tubig. Ang Florida ang labing mawala gikan sa nagsaka nga kadagatan tugod kay kini adunay pinakadako nga gidaghanon sa baybayon .
Ang ubang mga estado sa labi ka taas nga risgo mao ang Lousiana ug Virginia.
Ang pagtuon nagpakita nga kapin sa tulo ka milyon nga mga tawo sa Habagatan- Sidlakan lagmit nga napalagpot sa mosunod nga mga pagtaas alang sa lebel sa dagat. ( Sergio Gloria, General Santos Academy, AbCom Intern)
