Federalism: Negros Island Region magapabilin, pagpasiguro sang House Committee on Constitutional Amendment

44

Bacolod City  –  Ginpasiguro sang chairman sang House Committee on Constitutional Amendment nga si Cong. Roger Mercado  sang Lone district  sang Southern Leyte nga magapabilin ang Negros Island Region.

Ginhimo ni Mercado ang pagpasiguro sa ginpatigayon nga Public Consultation on Constitutional Reform kahapon diri sa ciudad sang Bacolod nga gintambungan sang mga kongresista halin sa Negros Occidental kag Oriental.

Suno kay Mercado suportado man sang iya komitiba ang ginaduso nga redistricting sang Bacolod City sa gina propose nga Federal Form of Government.

Gin-ako sang kongresista nga ginasuportahan sang mga congressmen sa isla sang Negros ang NIR.

Lakip sa nagtambong sa  amo nga public consultation sanday Bacolod City Mayor Evelio Leonardia, 3rd District Cong. Albee Benitez, 6th District Congressman Mercedes Alvarez, Cong. Gus Tambunting sang 2nd District sang Paranaque,  Cong. Lawrence Lemuel Fortun sang 1st District sang Agusan del Norte kag Bacolod City Lone District Cong. Greg Gasataya. /dyHB BACOLOD

 

Facebook Comments