Tulo ka Romanian nationals nga suspek sa pag-hack sa ATM machines sa Landbandk, nasikop sa NBI-7

69
Nasikop na ang tulo ka mga Romanian national nga suspek sa pag-hack sa ATM machines sa Landbank of the Philippines.

Ang mga suspek giila nga silang Iounut Alisandrau Mitrache, Joseph Gal ug Razvan Aurelian nga gidakop sa mga operatiba sa National Bureau of Investigation (NBI)-7 sud sa ilang condominium sa brgy. Lahug, dakbayan sa Sugbo.

Pinasikad sa search warrant nga si gi-isyu sa Regional Trial Court (RTC) branch 23, narekober sa mga NBI agent ang mga skimming device ug ATM cards nga gigamit sa mga langyaw sa ilang operasyon.

Naka-ikyas hinoon ang usa pa nila ka kauban nga kasamtangan na karong gipangita sa mga otoridad.

Una niini, ang Landbank ni-block sa 2,000 ka mga ATM accounts nga nihimo ug transakyon sa ilang Banilad Extension Office sa dakbayan sa Sugbo, human nga na-hack ang ATM machines niini ug niadtong Pebrero 27, usa ka skimming device ang ilang narekober sa ilang ATM machine sa ilang branch sa dakbayan sa Mandaue.

Miabot usab sa 50 ka mga ATM holders ang nipadangat ug reklamo sa Landbank ug nangangkon nga sila nabiktima sa ATM Skimming scam.

Sa kasamtangan ang NBI-7 nihimo na ug dugang imbestigasyon kalabot niini samtang gikustodiya na sa ahensiya ang mga nasikop nga Romanian nationals.


Facebook Comments