El mga myembros del Federation of Land Transportation of Zamboanga City ( FELTRANZ) hay conduci el un noise barrage aura media dia aqui na sentro del fueblo.
Na entrevista del RMN Zamboanga na programa Straight to the Point, el presidente del FELTRANZ si Eduardo Mingala ya abla cay sila hay dale lang mira simpatiya con el diila mga uban driver y jeepney operators na Luzon que ta afecta mucho el la vida porcausa del ta continua subida del mga presyo de gasolina y crudo.
Si Mingala ya abla cay hinde sila cancela el diila mga viaje regular este dia como egual na Manila, sin embargo, hay dale sila mira simpatiya pormedio lang del sunada del diila mga busina como protesta.
Fuera de este, si Mingala ya abla cay espera lang sila si cosa el acsyon del diila mga counterparts na Luzon antes sila conduci mas mejor acsyon na futuro. – *Bhong Simbajon/RMN News*
