Davao City- Giduso ngadto sa 20th City Council nga pipila ka mga ferry boats ang pabyaheon sibing dugang transportasyon dinhi sa syudad sa Davao.
Atol sa Aprubado Sa Konseho (ASK) Media Briefing gibutyag ni Councilor Conrado Baluran, Committee on Transportation and Communications Chairperson tumong niini nga makunhuran ang problema sa trapiko sa mga kadalanan.
Gibutyag ni Baluran, nahuman na ang committee hearing sa proposed Davao Coastal Ferry Operation niadtong Biyernes, Pebrero 16,2024 ug isaka na ang ordinansa sa 2nd reading sa konseho.
Gilauman nga karong tuiga muarangkada ang operasyon sa mga ferries diin ang mga terminal niini anaa sa Daliao, Tibungco ug Sta Ana Port ug sa Lupon, Davao Oriental.
RadyoMaN Aimee Guinita
Facebook Comments
