iFM Laoag – Saan a depektibo dagiti fertilizers nga ibunbunong ti Batac City Agriculture Office kadagiti mannalon iti nasao a siudad.
Daytoy ti impasigurado ni Mayor Albert Chua kalpasan nga adda dagiti dimmanon a report iti opisinana a dagiti abuno ti nangdadael kadagiti mula’da a natnateng.
Dagus a nagtignay ti mayor ket ditoy a naduktalanna babaen ti tulong ti Pest and Fertilizer Authority a ti nausar nga abuno kadagiti pagmulaan ti nateng ket ti abuno a nakadisenyo a para pagay laeng.
Basar ti eksperto, concentrated ti solusyun a para pagay ket masapol a marunaw a nalaing iti danom sakbay a maipasuyot daytoy. Isu ti gapuna a nalaylay dagiti natnateng gapu ta saan a nasurot ti umdas a proseso nangnangruna ta agduma ti pagay ken gulay.
Gapu kadaytoy, imbilin ni Chua kadagiti nagduduma a Zanjera ti siudad a kitaenda a naimbag dagiti ‘labels’ wenu ‘instructions’ dagiti maibunong nga abuno tapno saan a maiyaw-awan.
*Bernard Ver, RMN News.*
