Davao City – Nabulabog ang mga residente sa Zone 5 Kilometer 11 Sasa Wharf ning siyudad sa Dabaw sa fetus nga naglutaw-lutaw sa dagat karong lang buntag.
Una niini, nakakuha sa atensyon sa pipila ka mga residente ang putos nga daw sama sa bata samtang naglutaw sa dagat sa dapit.
Dihang giduol kini sa mga lumulupyo didto na kumpirma nga usa ka fetus ang nakaplagan sa mga nanimuyo sa dagat.
Daling mitaho ang katawhan sa lugar ngadto sa kapulisan sa Presinto 4 aron ma-imbestigahan kung kinsa ang naglabay sa mao nga fetus.
Blangko pa ang mga otoridad kung kinsang iresponsable nga inahan ang nakaako sa pagpakuha sa iyang kaugalingong anak gikan sa taguangkan ug gilabay sa dagat.
Sanglit walay nakakita sa dihang gilabay sa dagat ang fetus kung asa dili pa sab masuta kung lalake ba o babaye ug pila na ka bulan ang inosente nga bata.
RadyoMaN Joel Viray
