Davao City – Tungod sa hangyo sa National Youth Commission kun NYC, gilugwayan hangtod karong adlawa, abril 21 ang pag-file og Certificates of Candidacy kun COC alang sa mga mudagan sa Brgy. ug SK elections.
Kini ang gikumpirma ni Commission on Election kun COMELEC spokesman James Jimenez diin gikan alas 8 karong buntag kutob unyang alas 5 lang hapon ang pag-file og COC.
Una ng gipamahayag sa NYC nga dili matud pa igo ang panahon nga gihatag sa COMELEC alang sa Filing of COC alang sa kapin 300,000 SK positions sa tibuok nasud.
Samtang dinhi sa Davao City, gibutyag usab ni Comelec-Davao spokesperson Omar Samama atol sa pakighinabi sa DXDC RMN Davao kaniya nga namatikdan usab nga gamay lang ang nag-file og COC alang sa SK election.
Dugang niya, human sa filing of COC, gipanawagan kadtong mga botante nga bisitahon samtang ilang mga presinto samtang sayo pa aron dili magkara-kara sa pagpangita sa ilang mga pangalan kung asa sila muboto atol sa election day.
RadyoMaN Renz Barbarona
