Davao City – Tunawun na unta ang cylinder tank sa LPG sa pagtuo nga strap metal na kini apan aduna pa diay nabilin nga nitrogen gas hinungdan nga mibusikad ang LPG sulod sa Davao Mighty Steel Corporation sa Purok 15 Ilang, Davao City alas 10:15 niadtong miaging adlaw.
Base kini sa gihimong imbestigasyon sa Bunawan PNP sa maong insidente.
Kahinumduman nga una ng nagpagula og report ang Police Regional Office kun PRO XI nga siyam ka mga trabahante sa maong korporasyon ang samaran nga sila Johnel Toleza, Eduardo Bucanegra, Edgar Espulgar, Salaveria Jusephuse, Dennis Lopez, Ronnel Gonzalos, Jhoniefer Nieves, Glenn Dohinog ug Salacot Alfie.
Naigo matud pa sila sa debris nga nanglupad human mibuto ang tangke diin lima kanila ang kritikal human nakaangkon og 2nd ug 3rd degree burn.
Sa karon, padayon pang nagpaayo ang mga naangol sa Southern Philippines Medical Center (SPMC)
RadyoMaN Renz Barbarona
