Davao City – Wala pay pinal nga resulta sa gipahigayong drug test ngadto sa kapulisan sa Davao City Police Office kun DCPO.
Sa pakighinabi sa DXDC RMN Davao kang DCPO director PSSUPT Alexander Tagum, ginahulat pa nila ang resulta sa gihimong surprise drugtest kaganinang buntag ngadto sa 169 ka mga personahe sa DCPO.
“Dili pa maingon kung negative tanan, lisod maghatag og declaration nga wala pay nadawat nga final result” segun ni Tagum.
Dugang ni Tagum nga gawas sa Command Staff, Officers ug tanang anaa sa Drug Enforcement Unit sa DCPO, lakip usab gipailawum sa maong drugtest ang 12 ka mga station commanders sa syudad.
Sumala sa director nga buot nilang limpyuhan ang hanay sa kapulisan ug siguruhong wala nalambigit sa iligal nga droga ang mga tigpatuman sa mga balaod.
RadyoMaN Renz Barbarona
