Davao City – Personal nga gipaabot sa City Government of Davao ang hinabang alang sa Davao Oriental nga grabeng naapektuhan sa kalamidad dili pa lamang dugay.
Pinaagi ni City Disaster Risk Reduction and Management Office (CDRRMO) Head Ret. P/Supt. Alfredo Baloran gipaabot sa syudad ang tseke nga nagkantidad og P300,000 sa matag munispalidad sa probinsya nga mao ang Tarragona, Manay, Caraga, Baganga, Cateel ug Boston.
Mipaabot usab og dakong pagpasalamat ang katawhan sa probinsya pinaagi ni Governor Nelson Dayanghirang tungod sa maong tabang alang kanila.
Kahinumduman nga gipailalum ang nahisgutang probinsya sa State of Calamity tungod sa grabeng kadaot nga hatud sa pagbaha ingon man pagdahili sa yuta tungod ni Tropical Depression ‘Amang’ niadtong bulan sa Enero ning tuiga.
RadyoMaN Kirby Manzon
