Financier sa illegal swertres, gipusil patay kaganihang kadlawon

349
PC: RadyoMaN Jonathan Bullo

Gipusil patay kaganihang mga alas 2:30 sa kadlawon ang usa ka financier sa illegal swertres sa Phase 2, NHA, Kauswagan ning syudad sa Cagayan de Oro.

Ang biktima nailang si Rolly Maestrado, 47 anyos, minyo ug usa ka negosyante.


Gikumpira mismo sa asawa sa biktima nga si Maricel Maestrado nga niadtong 2004 pa nagsugod nga nahimong financier sa swertres ang iyang mister.

Sa imbestigasyon usab sa SOCO, nasayran nga dunay igo sa ulo, dughan ug kamot ang biktima nga maoy hinungdan sa iyang pagkamatay.

Narecover sa SOCO ang lima ka fired cartridges sa 9mm nga armas ug gibana-banang naa sa 3 meters lamang ang gilay-on sa suspect sa dihang gipusil ang biktima.

Sa karon, nagpadayon pa ang imbestigasyon sa mga otoridad sa motibo sa krimen.

Facebook Comments