50-Megawatt solar farm, ipatukod sa Barangay Vista Alegre

Nagpirmahanay sang memorandum of agreement (MOA) ang Bacolod-based nga Amatera Renewable Energy Corp. kag TPC Construction Corp. sang South Korea angot sa pagpatukod sang 50-megawatt solar power plant sa Barangay Vista Alegre, syudad sang Bacolod.

Nagpirma sa MOA ang chief finance officer sang Amatera nga si Ramon Luis Lacson kag presidente sang TPC Construction president nga si Charles Ji.

Ang ini nga photovoltaic solar power farm ang nagabalor sang 2 bilyones pesos kag maga-base naman sa Korean superior technology sa diin ini ang ipatukod sa 70 hektarya nga propiedad sa Barangay Vista Alegre.


Suno kay Lacson, nga ang Amatera Renewable Energy ang kumpleto na sa permits gikan sa Deparment of Energy sa diin ila nalang gina-finalize ang construction sang solar power farm.

Dugang pa ni Lacson nga daku ang mabulig sang sini nga planta bangud nga magluwas nga makabig ini nga renewable energy, sarang sini nga ma-solusyunan ang power shortage sa syudad sang Bacolod kag mga kaiping nga lugar.

Suno kay JI nga “As a Korean, it was very difficult to do business in the Philippines, but I feel infinite pride in being able to do an MOA of solar energy business today”.

Facebook Comments