Davao City – Nikunhod og 13% ang fire incidents ug 70% nga decrease sa damyos dinhi sa dakbayan sa bulan sa Enero hangtod Pebrero karong tuiga itandi sa nakalabay’ng tuig sa susamang mga bulan.
Sa interbyu sa RMN Davao kang Davao City Fire District Chief Intelligence and Investigation SFO3 Ramil Gillado nahimong epektibo ang Oplan Ligtas Pamayanan nga gihimo sa BFP diha sa pagubos sa mga kaso sa sunog.
Sumala ni Gillado nga sa pagarangkada sa Fire Prevention Month karong Marso nga adunay temang ‘Matuto Ka. Sunog Iwasan na’ buot nilang mas pakusgan pa ang pagpahibalo sa publiko sa paglikay sa sunog.
Gibansay usab ang mga katawhan aron mamahimo silang first responders sa mga mahitabong sunog sa ilahang lugar.
Sa ulahing rekord karon sa Davao City Fire District sa unang duha ka mga bulan sa tuig 2020 mokabat sa 97 ka mga sunog ang natala sa Davao ug anaa sa P4.9M ang damyos mas ubos kini niadtong 2019 nga anaay 111 fire cases ug P16M ang damages.
Nag-unang kawsa gihapon sa sunog electric related nga sagad nahitabo sa mga residential areas.
RadyoMaN Aimee Guinita
