Davao City – Padayon ang hugot nga kampanya batok sunog sa Bureau of Fire Protection (BFP) labi na karong Marso nga gikonsiderang Fire Prevention Month.
Sa interbyu sa DXDC RMN Davao kang Senior Fire Officer (SFO) 3 Ramil Gillado, hepe sa intelligence and investigation section sa BFP-XI, gibutyag niini nga ang kampanya batok sunog sa BFP dili lamang ilang responsibilidad apan concern kini sa tanan.
“Ang kining fire prevention month man gud, though public known man gyud na siya nga ang March is fire prevention month pero sa amoa gina-encourage gyud nato nang everyday is a fire prevention day,” saysay ni Gillado.
Gibutyag ni Gillado nga nagpadayon ang ilang Oplan Ligtas Pamayanan, usa ka programa sa BFP nga dal-on sa matag barangay ang kahibalo sa pagresponde panahon sa sunog.
Una nang gibutyag sa fire officer nga mas ubos ang natalang insidente sa sunog sa Davao City sa unang duha ka bulan karon kung itandi sa susamang period sa nakalabay nga tuig.
RadyoMaN Kirby Manzon
