Roxas City, Capiz- Padayon ang monitoring sang Provincial Health Office(PHO) sa numero sang biktima sang palupok sa probinsya sang Capiz tubtob sa Enero 5, 2021.
Sa rekord sang PHO, nagsaka na sa kabug-osan nga 14 ang firecracker related injuries sa probinsya.
Tatlo ka kaso ang nabalhag sa syudad sang Roxas, tig-duha sa banwa sang Pontevedra, Jamindan kag Sigma samtang tig-isa naman sa banwa sang, Dumarao, Ivisan, Mambusao, Panay kag President Roxas.
Nagapanguna naman sa mga ini ang nalukpan sang kwitis, boga, five star ukon triangulo samtang may yara sang napaso sang sparkler.
Samtang kun ikumparar sa tuig-2019, mas nagnubo ang subong nga numero sang firecracker related injuries nga 14 ka bilog kun ikumparar sa 29 ka mga narekord nga kaso sang 2019.
