Davao City – Gisugdan na sa Davao del Sur Police Provincial Office ang pakigkoordinar sa mga LGUs para sa E.O. 28 o striktong palisiya sa paggamit ug pagpamaligya sa mga pabuto.
Gimanduan ni Davao del Sur Police Provincial Director P/Senior Supt. Alan Manibog atol sa interbyu sa RMN Davao ang tanang mga station commanders nga tagbuon ang mga mayors ug barangay officials sa ilang mga munisipalidad.
“At this early they should coordinate with their mayors regarding the implementation of EO 28,” sumala ni Manibog.
Gidasig ni Manibog ang mga LGUs nga musumite gayod og mga listahan sa ilahang mga designated areas para sa mga firecrackers.
“Hindi basta-bastang magpapaputok kahit saang areas, lalo na sa bahay dapat doon tayo sa designated firecracker zone,” matud niini.
Panawagan niiini sa publiko nga mutuman sa maong balaod aron malayo sa disgrasya ug luwas nga masaulog nila ang kapaskuhan ug bag-ong tuig.
RadyoMaN Aimee Guinita
