Nagapanindugan gid si Mayor Jose Espinosa III nga wala na sang fireworks display sa pagsug-alaw sang bag-ong tuig.
Ginhatagan pagtamod ni mayor jose espinosa iii ang importansya sang paghugpong sang pamilya sa pagsug-alaw sang bag-ong tuig.
Ini ang isa sa mga rason sang alkalde kon ngaa iya na pagadulaon ang tuigan nga fireworks display sa siyudad sang Iloilo.
Suno sa iya, wala na naga-ulopdanay ang pamilya sa balay bangud ara na ang iban nga miyembro sa Muelle Loney kag nagakabayaan ang iban pa nga miyembro sang pamilya sa balay.
Ginsiling sini nga dapat indi gid pagkalimtan sang tanan ang paghugpong sang pamilya sa pagsug-alaw sang bag-ong tuig.
Sa baylo ginsiling sini nga pasanagon na lang ang mga plaza sa siudad kon sa diin pagapahamtangan ini sang mga parol.
Ginsiling sang alkalde nga sa sini nga pamaagi, magluwas nga mangin hilway pa ang mga pumuluyo, makatipid pa ang siudad sa kagastohanan.
Kadungan sang pagpasanag sang mga plaza, ginsiling man sang alkalde nga iya man pagapahamtangan sang mga police personnel kag bisan pa sang private security guards agud ipabilin ang kaluwasan sang mga nagabisita sa plaza.
(photo from web)
