90% na nga sigurado ang pagtambung ni Presidente Rodrigo Duterte sa ika-50 nga Dinagyang Festival sa siyudad sang Iloilo sa masunod nga bulan.
ini ang ginpahayag ni Mayor Jose Espinosa III sa ginhiwat nga coordination meeting sa Iloilo Dinagyang Foundation sang nakaligad nga adlaw.
Suno kay Espinosa nga hatagan sang ligwa ang performances sang mga tribu kag likawan ang malaba nga mga speeches sang mga opisyales.
Ginpahayag sang alkalde nga kon matabu nga magalantaw ang presidente sang performances sa Dinagyang, siya ang pinakauna nga presidente nga makahimo sini sa sulod sang 50 ka tuig nga pag-exister sang Dinagyang.
Madumduman nga sang Dinagyang 2008, nag-abot man sa siyudad si anay Pangulong Gloria Macapagal Arroyo apang nagtambung lamang ini sa high mass sa San Jose church.
Sa Dinagyang 2018, napulo ka mga festival gikan sa nagkalain-lain nga lugar sa Western Visayas ang magapasakop sa Regional Kasadyahan Cultural Competition, samtang napulo man ka mga tribu ang magapaindis-indis sa ati-ati competition.
(photo from web)
